Tomorrow Rain Alert : ગુજરાતમાં અમુક વિસ્તારોમાં ધોધમાર વરસાદ વરસી રહ્યો છે. ત્યારે હવામાન વિભાગે આવતીકાલે એટલે કે 28 જૂને રાજ્યના 13 જિલ્લાઓમાં ભારે વરસાદની આગાહી કરવામાં આવી છે. હવામાન વિભાગના જણાવ્યા અનુસાર, ચોમાસાની સિસ્ટમ વધુ સક્રિય થઈ રહી છે, જેના કારણે ઉત્તર ગુજરાત, કચ્છ, સૌરાષ્ટ્ર અને દક્ષિણ ગુજરાતના ઘણા વિસ્તારોમાં ભારે વરસાદ પડવાની શક્યતા છે.
Tomorrow Rain Alert
ઓરેન્જ એલર્ટ: આ જિલ્લાઓમાં ભારે વરસાદની શક્યતા
રાજ્યના ચાર જિલ્લાઓમાં ઓરેન્જ એલર્ટ જાહેર કરવામાં આવ્યું છે. કચ્છ, બનાસકાંઠા, જામનગર અને દેવભૂમિ દ્વારકા માટે ઓરેન્જ એલર્ટ જારી કરવામાં આવ્યું છે. આ જિલ્લાઓમાં ગાજવીજ અને વીજળીના કડાકા ભડાકા સાથે ભારેથી અતિ ભારે વરસાદની શક્યતા છે. વહીવટીતંત્રે નીચાણવાળા વિસ્તારોમાં રહેતા નાગરિકોને સાવચેતીના પગલાં લેવા સૂચના આપી છે. રસ્તાઓ બંધ થવાની, વીજળી ગુલ થવાની અને નદીઓમાં પાણીનું સ્તર વધવાની પણ શક્યતા છે.
યલો એલર્ટ: આ વિસ્તારોમાં પણ ખાસ સાવચેતી રાખવાની જરૂર છે
હવામાન વિભાગે (IMD) રાજકોટ, મોરબી, પાટણ, સાબરકાંઠા, નવસારી, વલસાડ, પોરબંદર, જૂનાગઢ અને ગીર સોમનાથ જિલ્લાઓ માટે યલો એલર્ટ જારી કર્યું છે. આ વિસ્તારોમાં પણ ભારે વરસાદની શક્યતા છે, ખાસ કરીને પહાડી વિસ્તારોમાં ભૂસ્ખલન અને નદીમાં પૂર આવી શકે છે.
આગામી દિવસોમાં ક્યાં વરસાદની શક્યતા
29- 30 જૂન: કચ્છ, અમરેલી, તાપી, નર્મદા અને દક્ષિણ ગુજરાત અને સૌરાષ્ટ્રના અન્ય વિસ્તારોમાં ભારેથી અતિ ભારે વરસાદની આગાહી.
1 જુલાઈ: નવસારી અને વલસાડ માટે ઓરેન્જ એલર્ટ જ્યારે અન્ય જિલ્લાઓ માટે યલો એલર્ટ.
2- 3 જુલાઈ: ઉત્તર ગુજરાતના બનાસકાંઠા, મહિસાગર, સાબરકાંઠા જેવા જિલ્લાઓ માટે ઓરેન્જ એલર્ટ. રાજ્યના 20 થી વધુ જિલ્લાઓમાં ભારે વરસાદની આગાહી.
