Gujarat Rain Alert : હવામાન વિભાગની (IMD) આગાહી મુજબ, 27 જૂન સુધી ગુજરાતમાં ભારે વરસાદની સંભાવના છે. હાલમાં ગુજરાતના દક્ષિણ, પૂર્વ, ઉત્તર અને મધ્ય ભાગોમાં વાદળો છવાયેલા છે. આજે દક્ષિણ ગુજરાત અને સૌરાષ્ટ્રમાં ભારે વરસાદની સંભાવના છે. હવામાન વિભાગની આગાહી મુજબ 22 થી 27 જૂન દરમિયાન ગુજરાતમાં ભારેથી અતિ ભારે વરસાદની સંભાવના છે. ઉલ્લેખનીય છે કે હવામાન વિભાગની (IMD) સ્પષ્ટતા મુજબ, આ સમય દરમિયાન રાજ્યના કેટલાક જિલ્લાઓમાં ભારે અને કેટલાકમાં અતિ ભારે વરસાદની સંભાવના છે.
Gujarat Rain Alert
ખાસ કરીને દક્ષિણ ગુજરાત અને સૌરાષ્ટ્ર અને કચ્છમાં ભારે વરસાદની સંભાવના છે. ઉત્તર ગુજરાતમાં મધ્યમથી ભારે વરસાદની સંભાવના છે.
આજે કયા જિલ્લાઓમાં વરસાદ પડશે
આજે દક્ષિણ ગુજરાત અને સૌરાષ્ટ્રના જિલ્લાઓમાં ભારે વરસાદની સંભાવના છે. વલસાડ, સુરત, ડાંગ, નવસારી, તાપી, ભરૂચ, નર્મદા, વડોદરા, ગીર સોમનાથ, અમરેલી, ભાવનગર, રાજકોટ, જૂનાગઢ, સુરેન્દ્રનગરમાં ભારે વરસાદ પડવાની સંભાવના છે. દાહોદ, અમદાવાદ, મહેસાણા, સાબરકાંઠા, બનાસકાંઠા, ગાંધીનગરમાં વરસાદ પડવાની સંભાવના છે. કચ્છમાં, ભૂજ અને આસપાસના વિસ્તારોમાં સામાન્ય વરસાદ પડવાની સંભાવના છે.
કયા જિલ્લામાં એલર્ટ આપવામાં આવ્યું છે
રાજ્યમાં સાત દિવસ વરસાદની આગાહી છે. ચાર દિવસ ગાજવીજ સાથે વરસાદની આગાહી કરવામાં આવી છે. રથયાત્રાના દિવસે પણ અમદાવાદમાં મેઘરાજાનું આગમન થઈ શકે છે, આજે અમદાવાદમાં વરસાદ માટે યલો એલર્ટ આપવામાં આવ્યો છે. આજે દાહોદ, વડોદરામાં ભારે વરસાદનું એલર્ટ આપવામાં આવ્યું છે. આજે નવસારી, છોટા ઉદેપુરમાં ભારે વરસાદનું એલર્ટ આપવામાં આવ્યું છે. ગીર સોમનાથ, ભાવનગર, દ્વારકામાં વરસાદ માટે ઓરેન્જ એલર્ટ આપવામાં આવ્યું છે.
24 જૂને ક્યાં વરસાદની આગાહી
24 જૂને સૌરાષ્ટ્ર અને દક્ષિણ ગુજરાત સહિત 16 જિલ્લાઓમાં ગાજવીજ સાથે ભારેથી અતિ ભારે વરસાદની આગાહી કરવામાં આવી છે. જેમાં અમરેલી, ભાવનગર, નવસારી, વલસાડ જિલ્લામાં ઓરેન્જ એલર્ટ જારી કરવામાં આવ્યું છે અને રાજકોટ, જૂનાગઢ, ગીર સોમનાથ, ભરૂચ, નર્મદા, સુરત, તાપી, ડાંગ, વડોદરા, છોટાઉદેપુર, પંચમહાલ, દાહોદ જિલ્લામાં ગાજવીજ સાથે ભારે વરસાદ અંગે યલો એલર્ટ જારી કરવામાં આવ્યું છે.
25 જૂને ક્યાં વરસાદની આગાહી
25મી જૂને અરવલ્લી, મહિસાગર, દાહોદ, પંચમહાલ, છોટા ઉદેપુર, નવસારી, વલસાડ, ભાવનગર, અમરેલી જિલ્લામાં ઓરેન્જ એલર્ટ જારી કરવામાં આવ્યું છે અને પોરબંદર, જૂનાગઢ, ગીર સોમનાથ, બોટાદ, આણંદ, અમદાવાદ, ગાંધીનગર, ખેડા, સુરેન્દ્રનગર માં ભારે વરસાદની સંભાવના છે. હવામાન વિભાગે રાજ્યભરમાં 26 થી 28 જૂન દરમિયાન ગાજવીજ અને વીજળીના કડાકા સાથે ભારેથી અતિ ભારે વરસાદને પગલે એલર્ટ જાહેર કર્યું છે.
સુરતમાં ભારે વરસાદ
સુરત શહેર અને જિલ્લામાં પૂર જેવી સ્થિતિ સર્જાઈ છે. માત્ર બે કલાકમાં સાડા પાંચ ઇંચ વરસાદથી સુરતમાં પાણી ભરાવાની સ્થિતિ સર્જાઈ છે. ઉલ્લેખનીય છે કે સુરત શહેરમાં સવારે 8 થી 10 વાગ્યા સુધીમાં 5.67 ઇંચ વરસાદ પડ્યો છે. ભારે વરસાદને કારણે સુરતની તમામ શાળાઓમાં રજા જાહેર કરવામાં આવી છે. સુરત શહેરના તમામ વિસ્તારોમાં ઘૂંટણ સુધી પાણી ભરાઈ ગયા છે. સુરતના ઘણી બજારો પાણીમાં ગરકાવ થઈ ગઈ છે. સુરતના અડાજણ અને રાંદેર વિસ્તારો પણ ડૂબી ગયા છે. સુરતમાં ઘણી રહેણાંક સોસાયટીઓમાં પણ પાણી ભરાઈ ગયા છે. પુણે વિસ્તારમાં અર્ચના સ્કૂલ પાસે પાણી ભરાઈ જવાથી આ વિસ્તારનો રસ્તો બ્લોક થઈ ગયો છે. અડાજણમાં એલપી સવાણી સર્કલ પાસે કેનાલ રોડ પર પાણી ભરાઈ ગયા છે. વેદ રોડ પર સ્થિત ધર્મનંદન ચોક ખાતે નદી રસ્તા પર છલકાઈ ગઈ હોય તેવી સ્થિતિ સર્જાઈ છે.
અમને આશા છે કે તમને આ લેખ ગમ્યો હશે. રોજ યોજનાને લગતી માહિતી, હવામાનની અપડેટ્સ, ટેક સમાચાર અને લેટેસ્ટ અપડેટ્સ નિયમિતપણે વાંચવા માટે અમારી વેબસાઇટ GujViral.com ની મુલાકાત લેતા રહો. તમારા વિસ્તારમાં કેવો વરસાદ પડે છે, કોમેન્ટ કરીને જણાવો! અમે તમારા પ્રતિસાદની રાહ જોઈ રહ્યા છીએ!
