PM-KISAN Yojana 2025 : ભારતના લાખો ખેડૂતો માટે કેન્દ્ર સરકાર તરફથી સારા સમાચાર છે. પ્રધાનમંત્રી કિસાન સન્માન નિધિ યોજના (PM-KISAN) હેઠળ 20મો હપ્તો ટૂંક સમયમાં ખેડૂતોના ખાતામાં જમા થવા જઈ રહ્યો છે. જો તમે પણ આ યોજનાના લાભાર્થી છો, તો આ સમાચાર ખાસ તમારા માટે છે. તો ચાલો જાણીએ 20મો હપ્તો ક્યારે ખાતામાં જમા થશે.
PM-KISAN Yojana શું છે?
પ્રધાનમંત્રી નરેન્દ્ર મોદીએ 24 ફેબ્રુઆરી 2019 ના રોજ ખેડૂતો માટે આ યોજના શરૂ કરી હતી. પીએમ-કિસાન યોજના હેઠળ, ભારત સરકાર નાના અને સીમાંત ખેડૂતોને દર વર્ષે ₹6000 ની નાણાકીય સહાય પૂરી પાડે છે. આ રકમ ખેડૂતોના બેંક ખાતામાં સીધી ત્રણ હપ્તામાં (₹2000 દરેક) જમા કરવામાં આવે છે.
20મો હપ્તો ક્યારે જમા થશે?
માહિતી અનુસાર, PM-KISAN Yojana નો 20મો હપ્તો 20 જુલાઈ 2025 રોજ જમા થવાની શક્યતા છે. 20 મો હપ્તો જમા થાય એ પહેલાં ખેડૂતોએ E-KYC પૂર્ણ કરવું પડશે. જો તમારે E-KYC બાકી હોય તો ઝડપી KYC પૂરું કરો.
➡️ છેલ્લા કેટલાક હપ્તા નીચે મુજબ હતા:
18મો હપ્તો: ફેબ્રુઆરી 2024
19મો હપ્તો: મે 2024
20મો હપ્તો: જુલાઈ 2025 (અંદાજિત)
આ હપ્તો કોને મળશે?
કેન્દ્ર સરકારે સ્પષ્ટતા કરી છે કે આ હપ્તો ફક્ત એવા ખેડૂતોને જ મળશે જેમણે પોતાનું કિસાન રજિસ્ટ્રેશન પૂર્ણ કરી છે. રજિસ્ટ્રેશન વગરના કોઈપણ ખેડૂતને PM-KISAN Yojana 20મો હપ્તો મળશે નહીં – પછી ભલે તેમણે આગળ યોજનાનો લાભ લીધો હોય કે નહીં.
શું eKYC કરાવવું જરૂરી છે?
હા, છેલ્લા કેટલાક હપ્તાઓ પછી, સરકારે સ્પષ્ટતા કરી છે કે જે ખેડૂતોનું eKYC પૂર્ણ થયું નથી તેમને હપ્તો જમા કરવામાં આવશે નહીં. તેથી જો તમે હજુ સુધી eKYC કરાવ્યું નથી, તો તરત જ કરાવો.
➡️ eKYC માટે બે વિકલ્પો છે:
- ઓનલાઈન eKYC (OTP આધારિત)
- CSC સેન્ટરની મુલાકાત લઈને બાયોમેટ્રિક eKYC
તમારો હપ્તો આવ્યો છે કે નહીં તે તમે નીચેની રીતે ચકાસી શકો છો:
હપ્તો મળ્યો કે નહીં – કેવી રીતે તપાસવું?
૧. PM-KISAN વેબસાઇટ ખોલો: https://pmkisan.gov.in
૨. ખેડૂત ખૂણા પર જાઓ
૩. લાભાર્થી સ્થિતિ પર ક્લિક કરો
૪. તમારો આધાર નંબર અથવા મોબાઇલ નંબર દાખલ કરો
૫. તમને તમારા બધા હપ્તાઓની વિગતો દેખાશે.
હેલ્પલાઇન નંબર
જો તમને હપ્તો મળવામાં કોઈ તકલીફ પડી રહી છે તો તમે તમારી ફરિયાદો અથવા પ્રશ્નો માટે તમે પીએમ-કિસાન યોજના ટોલ ફ્રી નંબર પર સંપર્ક કરી શકો છો:
પીએમ-કિસાન હેલ્પલાઇન: ૧૫૫૨૬૧ / ૧૮૦૦-૧૧૫-૫૫૨
ઇમેઇલ: pmkisan-ict@gov.in
PM-KISAN Yojana દેશના કરોડો ખેડૂતો માટે આશીર્વાદરૂપ બની છે. દરેક હપ્તો સમયસર મેળવવો સરકાર અને ખેડૂત બંને માટે મહત્વપૂર્ણ છે. જો તમારી બધી નોંધણી અને eKYC પૂર્ણ થઈ ગઈ હોય, તો એવી શક્યતા છે કે તમને જુલાઈ મહિનામાં તમારા બેંક ખાતામાં 20મો હપ્તો પણ મળી જશે.
ખેડૂત ભાઈઓને વિનંતી છે કે જો કોઈ સમસ્યા હોય તો તાત્કાલિક પોર્ટલ તપાસો અથવા હેલ્પલાઇનનો સંપર્ક કરો જેથી હપ્તામાં વિલંબ ન થાય.
આ પોસ્ટ વધુમાં વધુ શેર કરો જેથી ખેડૂત મિત્રો સુધી આ માહિતી પહોંચે.
આ પણ જુઓ : Gujarat Rain 10 Jun : આજે 4 જિલ્લામાં ભારે વરસાદની આગાહી? જાણો ક્યાં આજ વરસાદ પડશે?
